Аюулгүй байдал судлалын хүрээлэнгийн урилгаар АНУ-ын Стимсон төвийн “38 Норт” хөтөлбөрийн захирал Женни Таун 6 дугаар сарын 04-12-ны өдрүүдэд Улаанбаатар хотод айлчилж, хүрээлэн хооронд академик хамтын ажиллагааг эхлүүлэх санамж бичиг байгууллаа. Санамж бичигт Аюулгүй байдал судлалын хүрээлэнгийн захирал Г.Ганболд, АНУ-ын Стимсон төвийг төлөөлж 38 Норт хөтөлбөрийн захирал Женни Таун нар гарын үсэг зурав. Айлчлалын хүрээнд хоёр байгууллагын хамтын ажиллагааны талаар санал солилцохын сацуу бүс нутгийн аюулгүй байдлын асуудлаар дугуй ширээний уулзалт зохион байгуулав.
