БНХАУ-ын “Орчин үеийн дэлхий” судалгааны төвийн төлөөлөгчид зочлов

2018-08-21

https://niss.gov.mn/wp-content/uploads/2018/08/123.png

БНХАУ-ын “Орчин үеийн дэлхий” судалгааны төвийн дэд дарга Фү Даган тэргүүтэй төлөөлөгчид 2018 оны 8 дугаар сарын 21-ний өдөр Аюулгүй байдал судлалын хүрээлэнд зочлон, “Бүс, зам”-ын хүрээн дэх Монгол, Хятад, Орос гурван улсын эдийн засгийн коридорын бүтээн байгуулалтын явц, Монгол, Хятадын хамтын ажиллагааны боломж, тулгарч буй сорилт зэрэг асуудлаар санал солилцлоо.

Цаашид хоёр байгууллага хамтран ажиллах талаар Аюулгүй байдал судлалын хүрээлэнгийн захирал О.Машбат, “Орчин үеийн дэлхий” судалгааны төвийн дэд дарга Фү Даган нар санал нэгдэв.

БНХАУ-ын Орчин үеийн дэлхий судалгааны төв бол Коммунист намын төв хорооны Гадаадтай харилцах албаны харъяанд байдаг чухал судалгааны байгууллага бөгөөд 2015 онд байгуулсан “Бүс, зам” олон улсын тинк танкуудын холбооны Нарийн бичгийн дарга нарын газар тус судалгааны төв дээр байрладаг зангилаа байгууллага юм.


Ангилал: Долоо хоногийн тойм, СУДАЛГАА